اليومين دول إحنا محتاسييين آخر حوسة ومش عارفين نبدأ بأييييية
يا ترى نروح ندفع مصاريف المدرسة؟
ولا نشترى هدوم المدرسة،ولا مؤاخذة يعنى الجزم؟
ولا أقولكم...نروح نلف شوية على هدوم العيد عشان البنات
واهو قدامهم كدة أد كاااام يوووم على ما ينقوا ويختارو
لأ..لأ..أحسن نشترى حاجات رمضان واهو خلاص كل سنة وانتو طيبين بقى على الأبواب
يووووة....
الواحد اتلخبط خالص
طب نرتبها كدة ونشوف إية اللى حييجى الأول؟!!
آآة ..يبقى نشترى حاجات رمضان..
بس دى المدرسة عايزة المصاريف دلوقت!!
طيب خلاص ندفع المصاريف..وبلاها حاجات رمضان
نمشيها شوية قمر الدين وكركدية..
يعنى هوة احنا لو ما عملناش خشاف.. مش حيبقى رمضان؟!!
وبعد كدة نجيب هدوم العيد..دة حتى الأوكازيون بدأ..ودى تبقى فرصة
بس الحاجة اللى تزعل فى الموضوع دة إن الهدوم دى حتبقى صيفى.
(يعنى مش حتنفع فى العيد الكبير)..دة إية الحظ دة
على العموم.. لما يبقى ييجى العيد الكبير يبقى يحلها الحلال
هوة أنا حاشغل بالى بالعيد اللى بعد شهرين من دلوقت ..خلينا فى اللى إحنا فية
هوة احنا كنا وصلنا لحد فييين؟!!
آة...يبقى كدة خلصنا حاجة رمضان،وهدوم العيد،ومصاريف المدارس...
يبقى فاضل هدوم المدارس..
لما نشوف كدة... يمكن ربنا يسهل والبنات يكونوا ما طولووش،وما كبروش وهدوم السنة اللى فاتت تكفيهم؟؟!!
ولا يعنى مع شوية تبديل فى الهدوم وكل واحدة تاخد هدوم اللى أكبر منها..
وبالطريقة دى نشترى للكبيرة بس!!
أيوة أنا عارفة إن دى تفرقة عنصرية ...لكن نعمل إية..الإييييد..قصييييرة
خلاص كدة الحمد لله رتبناها وعملنا حسبة ماتخرش الميّه...
شوفتو شطارتى بقى؟؟؟
يااااااخبر.....دة أنا نسيت أعمل حساب مصاريف الأكل،والمواصلات،والإيجار،والكهرباء،و............
يوووووووة.....حنعييد الحسبة من الأول ثاااااااانييييييييي.....
يبقى احنا عايزين حاجات رمضان،وندفع مصاريف المدرسة،ونجيب هدوم العيد،وو..........................
هناك 17 تعليقًا:
انا بطلت حساب من زمان واللى يجى الأول ياخد الفلوس
بالنسبه لى المدرسه جت الأول عشان المصاريف بتدفع فى شهر 5
ههههههههههههههههههههههههههههههههههههههههههههههههههههههههههههههههههههههههههههههههههههههههه
بجد ولاهي كلامك عسلو انتي زي القمر شكلك كدة بس ع فكرة المدرسة ندفع قسطو بلاش هدوم عيدو اخد هدوم السنة الي فاتتو اتسرف فيها
و حاجات رمضان مش لازم نكتر فيها
نسيتى فى الحسبة دى أن مافيش فلوس ولا فية قبض أصلاً غير آخر الشهر يعنى قبل رمضان بيوم والمكافأة ال وعدونا بيها إختفت فى ظروف غامضة يبقى هنجيب منين؟؟؟؟؟؟؟؟؟؟
آخ ! فكرتيني بلامؤاخذة الجزم ، و شنط المدرسة كمان ، طيب .. أنا باقول بلاش المواضيع الحساسة دي تاني من فضلك :)
مبروك على المدونة الجديدة ، و عقبال ما يشاوروا على لينك المراكبي و يقولوا على فكرة ده أخو مدرسة مصرية ، و بيكتب حلو برضه :)
hi
الله يكون في عونكوا كلكوا كل دي حسابات
الحمد لله انى لسة صغيرة عشان معملش كدة انا ممكن اتجنن من حسبتين بس
والحمد لله انا جبت هدوم المدارس ولا مؤاخدة الشوز ولبس العيد فاضل فية بس البنطلون وحاجة رمضان احنا مش بنحبها اوي اصلا يعنى ممشيين حالنا
انا هقلك حاجة طنشى مصاريف المدارس ومافيش مانع الاولاد يرحوا بلبس الخروج وكمان مافيش مانع ابدا تقضى نص رمضان عند مامتك والنص التانى عند حماتك وبكدة تكونى كمان وفرتى مية وكهربا واكل فى بيتك وربنا يخلينا اهالينا ههههههههههههههه
هية هدوم المدرسة لسة مجتش الحمد لله و لبس العيد جة الحمد لله و حاجات رمصان جايية ف السكة و المصاريف هتدفع ان شاء الله بس يا رب بقي ميطلعش حاجة جديدة
محمد عبد الغفار
شكراً على زيارتك
الحمدلله احنا عندنا المدرسة مش متشددة
فى الوقت المهم ان المصاريف تدفع قبل
المدارس عشان كدة المكافأة مخصصة للمصاريف
غير معروف
والله انت اللى عسل
دة انت قنوع جدا يا بخت ماما بيك
صدى الصمت
هوة انت على طول فى تفاؤل كدة
ياستى يعنى لما نشترى حاجة رمضان فى رمضان
حيحصل اية؟هية لازم الحاجة تبقى موجودة قبل رمضان ؟عديها بقى
أحمد كمال
شكراً على المجاملة
ياعم احنا فييين والمراكبي فييين
أما بالنسبة للموضوع انا كنت ناسية
شنط المدرسةوانت اللى فكرتنى
شكرا للإضافة
اهى الحسبة اتلخبطت ثاانى
mirona
hi
شكراً للمشاركة الوجدانية
دة بس عشان تعرفى ماما وبابا بيتعبوا
ازاى عشان يسعدوكو
سلامى ليهم
باى
jehan
شكراًعلى النصيحة
بس للأسف إحنا مضطرين نعتمد على نفسنل
بسبب انتقال الأم والحماة إلى الرفيق
الأعلى منذ ردح من الزمان
والأحلى ان معظم رمضان فى الأجازة
يعنى التليفزيون مش حيبطل
ربنا معانا بقى
سلام
غير معروف
شكراً على زيارتك للمدونة
وهية يعنى الحاجة بتخلص
لازم فية حاجة حتطلع تاخد بواقى الفلوس منهنا لحد العيد
ملحوظة
اتمنى فى المرة القادمة اتشرف باسم حضرتك
أشكرك على زيارة المدونة وأهلاً بيكى دايماً وشكراً على تعليقك
ولا حسبة ولا حاجة .. يومين بس تقفي إنتي والعيال قدام مسجد السيدة زينب وإنتم لابسين جلاليب مقطعة وإن شاء الله ربنا هيكرمكم آخر كرم .. إسمعي كلام أخوكي .. هي دي الخلاصة
أخى المراكبى
شكراً على النصيحة الغالية
بس مش كنت تقولهالى فى رسالة على الموبايل
لإن دلوقت كل مصر عرفو النصيحة وحينفذوها قبلى
على العموم عُلم ومصر كلها حتنفذ
سلام
إرسال تعليق