25 يونيو 2009

عاوزة أتجوز جدو


فاجأتنى إبنتى الصغيرة ( 6 سنوات ) بقولها :
ماما تعرفى .... أنا عاوزة أتجوز جدو
إستغربت لكن سألتها : عاوزة تتجوزى جدو لية ؟
قالت : عشان بيحبنى ويلاعبنى ومابيزعأليش
( شفتو مواصفات العريس؟؟!!!!! )
لكن بعد الكلام دة سرحت شوية وفكرت فى موضوع
هو : ( مواصفات العريس فى رأى البنات )
وإفتكرت زمان على أيامنا إحنا ( قبل الجواز يعنى )
كان لما تسأل أى بنت فى مصر كلها : ياترى بتحلمى بعريس شكلة إية ؟
أو صفاتة إية ؟
كان رد أى بنت : عاوزة واحد يكون زى بابا
لكن دلوقت لما تسأل أى بنت نفس السؤال يكون الرد :
مثلاً عاوزاة طيب ، حنين ، متدين ، غنى ، روش ، ...............
أو أى مواصفات حسب تفكيرها و رؤيتها للحياة والمستقبل
لكن ما تسمعش أبداً الجملة المشهورة زمان ( عاوزاة زى بابا )
تفتكروا لية ؟؟؟؟
لأن دور الأب فى تربية الأبناء أصبح غير متواجد وغير مؤثر
والأب تحول إلى آلة لكسب المال فقط
لم يعد الأب المثل الأعلى لأبنائة و بناتة
لم يعودوا يروه أو يلاحظوا وجوده من عدم وجوده
وهذا سبب رئيسى فى ظاهرة الإنفلات فى أخلاق الشباب أو فى طريقة لبسهم فأنت تشاهد فى الشارع فتيات ترتدى ملابس غريبة وتجد نفسك تتسائل : أين والدها ؟؟ ألم يشاهدها وهى تشترى هذة الملابس ؟
ألم يشاهدها وهى ترتديها وتخرج من المنزل ؟
ألم يتصادف وشاهدها عند عودتها من الخارج بهذة الملابس الغريبة ؟
أم شاهدها ولم يتكلم ؟؟ ( وهذة مصيبة أكبر)
أى إنة إذا كان لا يعلم فتلك مصيبة وإن كان يعلم ويصمت فالمصيبة أكبر وعلية العوض فى المجتمع والأخلاق وأى محاولة للإصلاح لن تكون ناجحة أبداً

ولذلك يا أيها الآباء عليكم الإنتباه
فإذا كان هناك القليل من الشباب قد وجدوا القدوة والمثل الأعلى فى أجدادهم وهذا من حسن حظهم فإن الكثير من الشباب يفتقدون وجود الجد لرحيلة عن الحياة وكذلك كما سبق وإتفقنا يفتقدون أيضاً وجود دور الأب ( رغم إنة ما زال على قيد الحياة فعلياً ) ويفتقدون القدوة الحسنة
فعليكم أيها الآباء العودة إلى دوركم الحقيقى وهو تربية الأبناء والعودة لنموذج (ونيس ومايسة) فى مسلسل يوميات ونيس فالمال يزول والأخلاق تبقى
وما نزرعة فى أبنائنا هو الباقى وهو الذى سوف يربون علية أبنائهم وبذلك نستطيع العودة بالمجتمع إلى زمن الأخلاق الجميل .

هناك 19 تعليقًا:

لماضة يقول...

طيب الحمد لله انا لسه بخير
لاني لسه بقول عاوزه اتجوز واحد زي بابا
بس زودي عليها جملة
هو فييييييييييييين يجي بس وانا اكتب عليه
القايمه طبعا :))

يا مراكبي يقول...

كتير الناس بتتفاجئ بردود أفعال أبناؤهم في مواقف كتير وبيندهشوا هما اتعلموا ده منين

لكن في الحقيقة ان فيه عوامل كتيرة جدا بتشارك في تربية الأبناء زي التليفزيون وخلافة .. وتأثير وتوجيه الأباء للأبناء بيكون قليل جدا بالنسبة للمؤثرات الأخرى

هو ده السر

marmar يقول...

اول حاجه عايزه اقولك انك وحششششششششششششششششششششششششششتيني اوي يا اجمل رودي
ووحشني كلامك وقلبك وطيبتك وكل حاجه ولله وحشششششششتيني واسفه اني غبت عليكي كتير بس انا لسه رجعا من اجازه الامتحانات والمذاكره

انا بقى غير كل البنات عايزه فارس احلامي يكون بيعرف ربنا وبيخاف ربنا لانو لما هيخاف ربنا هيخاف عليا ويحبني وووووو
مش عارفه حكايه زي بابا او لا بس نفسي يكون زيو فعلا ولله لان ببايا بعتبرو راجل مثالي في كل حاجه الحمدلله
تفكير البنات والشباب والكل اتغير بتغير العصر وتقدم العلم والتكنولوجيا يعني زمان كان من العادات المعروف عنها بوس ايد الوالدين دلوقتي لما حد يعملها من كل مليون حد يبقى كده تماام جدا

marmar يقول...

اه نسيت اسلم على اجمل تلات بنات وطمنيني عملو ايه في الامتحانات وسلالالالالالالالالالالالالالالالالالالالام كبير لمراكبي اللي غبت عليه قرن بحالو هروح ازورو حالا

دردشة على الماشى يقول...

لماضة
عزيزتى الدكتورة الغالية
ربنا يخليلك الوالد
ويرزقك بإبن الحلال اللى فى خيالك
وبعدين إبقى إعملى فية اللى إنت عايزاة
تحياتى
سلام

دردشة على الماشى يقول...

أخى المراكبى
أنا معاك إن دلوقت الزمن مختلف
والعوامل الخارجية اللى بتتدخل فى تربية الأبناء كثيرةلكن برضة ما يمنعش إن تأثير الوالد فى تنشأةالأبناء لة دور كبير وطبعاً لا نغفل دور الأم أيضاً
ولكنى أضع العبء على الأب فهو من يسمى رب الأسرةولة دور كبير
وطبعاً تعلم المثل القائل ( إذا كان رب البيت بالدف ضارب فشيمة أهل بيتة .....الرقص )

دردشة على الماشى يقول...

marmar
صديقتى العزيزة
بل أختى الصغيرة مرمر
وحشتينى جداً جداً جداً
أنا برضة الفترة اللى فاتت كنت مشغولة وإختفيت لفترة كبيرة
المهم تطمنينى عليكى
وربنا يخليلك الوالد ويكون إبن الحلال اللى فى بالك زية ويكون بالمواصفات اللى إنت عايزاها
سلام

دردشة على الماشى يقول...

عزيزتى مرمر
البنات نجحوا والحمدلله
وعايزة أطمن عليكى
عملتى إية فى الإمتحانات
طمنينى
سلام

اعشق فى الليل ضوء القمر يقول...

و الله مش عارف أقول إيه بس بجد لا مش عارف
تغيب الأب و إنشغاله عن أسرته و ترك الأم تحمل مسؤليه التربيه لوحدها من أخطاء الحياه
وكمان للأسف الأباء الأن هم الرعيل الأول لفكر التلفاز و تربيتهم وثقافتهم عليه
ومنه
أصبح العرى و التخلف سمه من سمات العصر أساسا الأباب هذا الجيل إلا من رحم ربى محتاجين حد يربيهم ويتعامل معاهم
فكرتينى
اول ما جبت الكمبيوتر و النت أختى لقتها محمله حوالى 5 جيجا أغنى على الجهاز وده طبعا مساحه كبيره لما تكون الأغنيه الواحده فى حدود 2 ميجا شوفى بقى كام أغنيه مسحتهمك كلهم تانى يوم لقيت نفس الأغانى و عليهم زياده
مسحت اليوم إللى بعده نفس الأسلوب قلت ده مش حل
جبتها و هى كنت بحفظها القرأن فى مسجد قريب للبيت و فكرتها لما شيخ المسجد قرأت عليه وعجبه إسلوبها و نطقها الصحيح و كيف حال المعلمه وأصحابها معاها وقلت فى الأخر إما القرأن وأما الأغانى
انا كنت عارف غنه مفيش فايده و هتسمع هتسمع من ورايا أو من أدامى لكن الموضوع فرق كثير دلوقتى الحاجه تنزل تتسمع و تتمسح من تلقاء نفسها مفيش رقيب
وأتمنى من الله أن يعافيها من هذه الأمور

اعشق فى الليل ضوء القمر يقول...

صحيح نسيت أقول لحضرتك
التاج مستنى حضرتك عندى إتفضلى وإستلميه مشكوره

صدى الصمت - عاشقة الورد - يقول...

فعلاً المشكلة دلوقت إن مشاكل وصراعات العمل وصعوبة الحصول على المال الكافى لسد إحتياحات الأسرة بسبب الغلاء الفاحش جعل الأب مربوط فى ساقية طول اليوم ومش متواجد بشكل أساسى فى حياة الأولاد
موضوع مهم
أحييكِ على طرحة
سلام مؤقت

دردشة على الماشى يقول...

أعشق فى الليل ضوء القمر
أحييك على كلامك وهوة دة كان قصدى بالظبط وهوة وجود متابعة على البنت والولد برضة من إنسان بيحبة وحريص علية
ربنا يساعدنا فى متابعة أبنائنا ونحاول نغرس فيهم القيم إللى تخليهم رقباء على أنفسهم
سلام

دردشة على الماشى يقول...

أعشق فى الليل ضوء القمر
أهلاً بيك مرة تانية لكن لو كنت قرأت نعليقى عندك كنت عرفت إنى لا أحب التيجان وبصراحة خصوصاً التاج دة صعب جداً أنا نفسى مش عارفة إنت جاوبت علية إزاى؟؟
حاحاول أجاوب عليةلكن ما أوعدكش
تحياتى
سلام

دردشة على الماشى يقول...

أختى الغالية صدى الصمت
شكراً على المجاملة
وفعلاً كلامك مظبوط هى الدوامة واخدة الناس ولو الأب ما إشتغلش شغلتين مش حيكفى مصاريف البيت
لكن لازم الحكاية يكون لها حل ولو حتى يتابع من وقت للتانى ويحسس الولاد إنة معاهم وواخد بالة من تصرفاتهم ويعرف عنهم كل حاجة ولو بالإتفاق مع الزوجة وبالتالى يكون دائماً فى الصورة يمكن الولاد يعملوا حسابة

gana magde يقول...

ازيك وحشتينننننننننننني


كل سنة وانتي طيبة

ورمضاااااااااان كريم


اسفة علي الغياب والتأخير


ربنا يخليلك بنتك

تحياتي

very sad يقول...

السلام عليكم

مدونة رقيقة ومميزة جداا

بووست يجنن أووي

شكرا جدا على البووست لأنه مفيد

أووووووووي

أتمنى لكي التقدم والنجاح في التدوين

تحيااااااتي لكي

dark angel

الحــ ــزين يقول...

الحــ ــزين
انتى فعلا عندك حق ..وهيا كمان عندها حق بس للاسف انو فى الزمن دا عاوزين الروش زى ما انتى قلتى ..وكمان هيا عندها حق لان دا الاصول والى الشرع بيقوله عموما ربنا يتولا ولايانا

طهقان يقول...

انا بنتي جت أمبارح ، وقالت لي أنا عايزة اتجوزك يا بابا

يا سلااااام فرحت ولفت لأمها علشان تعرف قيمة النعمة اللي في إيديها

تحياتي لك وللأمورة الصغيرة

وربنا يبارك لك فيها

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين